KORÇË– Tre persona kanë rënë në prangat e policisë së Korçës pasi akuzohen se kanë vjedhur një shumë parash në një kishë. Janë arrestuar një 22-vjeçar i identifikuar me inicialet R.L, një 25-vjeçar i identifikuar me inicialet K.A dhe një 69-vjeçar i identifikuar me inicialet I.P.
NJOFTIMI I POLICISË:
Korçë Vodhën një shumë parash, në një objekt kulti, në fshatin Lajthizë, Pustec, vihen në pranga 3 shtetas. Specialistët për Hetimin e Krimeve të Komisariatit të Policisë Korçë kanë arrestuar në flagrancë shtetasit R. L., 22 vjeç, K. A., 25 vjeç dhe I. P., 69 vjeç, banues në fshatin Pojan, Maliq, për veprën penale “Vjedhja”, kryer në bashkëpunim. Nga veprimet hetimore dyshohet se këta shtetas, në bashkëpunim me njëri-tjetrin, ditën e djeshme, kanë vjedhur një shumë parash, në një objekt kulti (kishë), në fshatin Lajthizë, Pustec. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
