RROGOZHINË– Regjistrohen dhe problematikat e para sa i përket procesit zgjedhor për kryebashkiakun e Rrogozhinës. Raportohet se në qendrën e votimit numër 2227-1, një qytetare është shfaqur me familjaren e saj brenda vendit ku ndodhej kutia e votimit. Ndërsa, në po të njëjtën Qendër Votimi, njëri nga votuesit ka futur dy fletë në kuti.
Janë 54 qendra votimi deri më tani, në të cilat, 32 mijë e 826 qytetarë do të drejtohen drejt qendrave fë votimit, nga ora 07:00-19:00 dhe ndryshe nga 14 maji, do të kenë vetëm një fletë votimi, atë për kryebashkiakun, ku po njëjtë si në zgjedhjet vendore, i pari në fletën e votimit do të jetë i renditur kandidati socialist Edison Memolla dhe numrin 2 do ta mbajë Shkëlqim Hoxha. Po të njëjtët si në zgjeshjet e 14 majit por procesi i përsërit pas shkeljeve që Kolegji Zgjedhor hasi në procesin që i dha fitoren socialistit Edison Memolla. Të burgosurit, të cilët i dhanë fitoren Memollës nuk do të mund të votojnë pasi ishte pikërisht kutia e burgut të Rrogozhinës që bëri që zgjedhjet të përsëriteshin pas shkelje të konstatuara.
