TIRANË– Kryekomisioneri i Zgjedhjeve Ilirjan Celibashi ka deklaruar këtë të enjte se votimi elektronik që do të kryehet me projektin pilot në Bashkinë e Elbasanit, Vorës dhe Kamzës siguron 100% fshehtësinë e votës. Përmes një komunikimi me gazetarët Celibashi tha se të gjithë ata që deklarojnë të kundërten janë spekulantë politikë. Sipas Celibashit synohet se me këtë votim 30 minuta pas mbylljes së votimit qytetarët do të njihen me rezultaet paraprake në këto bashki.
Ilirjan Celibashi: Kemi pasur jo në mënyrë zyrtare po disa shqetësime që janë përcjellë në KQZ, në lidhje me sigurinë e fshehtësinë e votës. Jam këtu për të rikonfirmuar, se garancia është e plotë 100%. Kushdo që thotë ndonjë gjë është spekulant politik, s’ka mundësi, as kompania që ka krijuar pajisjet që të verifikojë se kush ka votuar. Ngelet fjala ime dhe e këtyre spekulantëve. Synojmë që brenda 30 minutave të kemi nxjerrjen e rezultateve në Vorë, Kamëz dhe Elbasan. Në Elbasan mund të kemi vonëse, pasi nuk ka problem me rrjetin mobile. Do ketë punonjës teknik nga ne, për të asistuar nga pikëpamja teknike procesin e votimit.
