KRUJË- Të akuzuar për vrasjen e Indrit Ndoj në Krujë, gjykata lë të lirë autorët e krimit. Burime bëjnë me dije se Gjykata e Krujës ka pranuar kërkesën e prokurorisë për zëvendësim të masës së sigurisë nga “arrest me burg” në detyrim paraqitje. Kështu 2 vëllezërit Sajmir e Landi Miri janë lënë të lirë.
Trupi i pajetë i Indrit Ndojit është gjetur më 21 tetor 2022 në një kanal në rrugën ‘Bakishe Visha’. Familjarët ishin ata që zbuluan trupin në një kanal, teksa ishin rrugës për punë, ndërsa vëllezërit u vunë në pranga disa ditë më pas. Në trupin e të riut janë konsatuar plagë në këmbë, të cilat dyshohet se janë kryer nga plagosja me armë zjarri.
