ITALI– Detaje të reja janë zbardhur në lidhje me ngjarjen e rëndë që tronditi Italinë pak ditë më parë ku shqiptari Taulant Malaj masakroi me thikë vajzën e tij 16 vjeçe Xhesika Malaj, italianin Massimo De Santis dhe plagosi rëndë gruan. Mediat italiane shkruajnë se provat kundër tij janë shtuar. Po sipas burimeve të mediave italiane mësohet se Malaj ka qenë gjakëftohtë teksa ka masakruar me thikë vajzës, e cila sipas mjekësisë ligjore kishte marrë katër goditje në gjoks çka dhe i shkaktuan vdekjen e menjëhershme.
Para hetuesve Malaj ka deklaruar se nuk donte që ta vriste vajzën por që sipas tij ajo u gjend në vendin dhe kohën e gabuar. Por dëshmitë e tij kanë qenë kontradiktore.
Taulant Malaj: Godita gruan time dhe ndërkohë hyri Xhesika, duke dashur ta mbronte. nënën e saj. Kështu që unë godita edhe Xhesikën dhe e vrava. As që e kuptova se ishte ajo. Fatkeqësisht, Xhesika e gjeti veten në kohën e gabuar. Të dy u arratisën nga shtrati në kuzhinë, ku unë vazhdova t’i godisja.
Malaj përdori një thikë të gjatë 18 cm. Gruaja e vrasësit, Tefta Malaj, e cila i mbijetoi atentatit pasi mbrohej nga Xhesika, ka bërë thirrje për ndihmë. Operatorit të 118 Tefta i përsëriti “thikë”, dhe kur operatori e pyeti nëse ishte goditur me thikë, gruaja mezi mundi të përgjigjej “po” dhe më pas shtoi: “vajza ime, vajza ime”.
Ndërsa fatmirësisht djali i mitur i çiftit ka mundur që të shpëtojë pasi ishte fshehur prapa një divani në sallon duke mos lëshuar zë. Sipas Tefta Malajt por dhe sipas videos Taulanti dëgjohet duke bërtitur ku është djali, sipas gruas ai donte që ta vriste. Në momentin që kanë mbërritur karabinerët ai ishte në gjendje të rënduar psikologjike. Ai tashmë i është dorëzuar xhaxhait të tij pasi nëna ndodhet ende në gjendje të rëndë dhe po merr ndihmë mjekësore për shkak të plagëve të marra nga goditjet me thikë.
