FRANCË-Një ngjarje e rëndë tronditi shtetin francez dhe jo vetëm, pasditen e 27 qershorit, ku forcat policore qëlluan për vdekje një adoleshent në Paris.
Pasditen e së martës, policia ndaloi një adoleshent i cili ishte drejtues i një mjeti. Policia kërkoi që të bënte një kontroll por 17-vjeçari nuk pranoi dhe si pasojë policia e qëlloi duke e lënë të vdekur në vend. Vrasja u filmua dhe u bë menjëherë virale në rrjetet sociale, duke nxitur zemërim. Policia tha fillimisht se ishte detyruar të hapte zjarr pasi adoleshenti kishte tentuar t’i përplaste me makinë, version i cili u rrëzua pas publikimit të videos.
E gjithë kjo ngjarje solli një rrëmujë të madhe në Francë ku shumë qytetarë krijuan protesta të shumta përgjatë dy ditëve në vazhdim. Me mijëra të rinj dolën në rrugët e Parisit duke iu vënë flakën kazanëve të plehrave e duke hedhur fishekzjarrë në drejtim të policisë.
Ditën e sotme është zhvilluar një tjetër protestë për adoleshentin kur është shumë e vështirë të përcaktohet numri i të pranishëmve, por dihet që në krye të protestës qëndron e ëma e viktimës. Cdo protestues mban të veshur një bluzë të bardhë e cila shkruan “Drejtësia për Nahelin”.
Një status i bërë nga nëna e tij ka thyer zemrat e shumë njerëzve. “Ai ishte ende fëmijë… Çfarë mund të bëja? Ai ishte jeta ime. Ai ishte gjithçka për mua.”- shkruan ajo .
Këtë cështje nuk mbeti pa e cituar padiskutim as Presidenti i Francës Emmanuel Macron, i cili deklaroi se gjesti i policëve është i padiskutueshëm dhe i pafalshëm. Sakaq Oficeri i policisë që ekzekutoi 17-vjeçarin e kaloi natën në paraburgim, ndërsa ministri i Brendshëm, Gerald Darmanin, bëri apel për qetësi.
