BULQIZË–Detaje të reja janë zbardhur në lidhje me ngjarjen e rëndë të regjistruar këtë të martë në Shupenzë ku Dritan Manjani u qëllua disa herë për vdekje me kaçavidë nga Dorjan Dema. Policia bën me dije se ky i fundit është arrestuar ndërsa viktima ka ndërruar jetë në spital pasi nuk ka mundur tu mbijetojë plagëve të shumta. Sipas bluve të Bulqizës shkak për ngjarjen dyshohet të jetë bërë një konflikt për motive të dobëta mes viktimës dhe autorit. Po punohet për sqarimin e plotë të rrethanave të ngjarjes.
NJOFTIMI I POLICISE
Bulqizë/ U konfliktuan për motive të dobëta dhe gjatë konfliktit e plagosi me kaçavidë, kapet dhe arrestohet në kohë rekord autori i ngjarjes. 26-vjeçari si pasojë e plagëve humbi jetën në spital. Në orët e vona të mbrëmjes, në Shupenzë shtetasi D.D., 30 vjeç, banues në fshatin Homesh, për motive të dobëta është konfliktuar me shetasin D.M., 26 vjeç, banues në Homesh. Gjatë konfliktit 30-vjeçari e ka goditur me kaçavidë 26-vjeçarin, i cili si pasojë e plagëve ka humbur jetën në spital. Shërbimet e Policisë falë reagimit në kohë, lokalizuan, kapën dhe arrestuan autorin e ngjarjes shtetasin D.D. Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes.
