TIRANË– Vladimir Kurti, vëllai i 31-vjeçares Etleva Kurti, e cila u ekzekutua mesditën e kësaj të mërkure me tre plumba në oborrin e shtëpisë ka deklaruar se e motra e tij është vrarë nga autori i masakrës së Paskuqanit Dan Hutra. Sipas tij Hutra ka tentuar disa herë që ta vrasë në burg.
Vladimir Kurti: Dyshoj sepse kemi pasur përplasje këtu në burg me të. Gjatë gjithë kohës jemi ngacmuar Janë shumë ngjarje që si lidh dot. Më ka kërcënuar, kishte tentuar shumë herë të më vriste edhe këtu.
Ngjarja e rëndë ka ndodhur në lagjen “Beslidhja” të Kamzes. Mësohet se autori i ngjarjes ka qenë me makinë dhe ka ndaluar para banesës ku ka qëlluar 3 herë në drejtim të të resë duke e lënë të vdekur në vend.
