KOSOVË– Policia e Kosovës ka zhvilluar kontrolle të imtësishme në shtëpinë e Dibran Hoxhës i njohur ndrshe si “Kobra”, i cili ekzekutoi me armë zjarri 31-vjeçarin nga Kukësi Visar Cengu pas një sherri të ndodhur në lokalin në pronësi të Hoxhës në Prizren. Kështu pas kontrolle efektivët kanë zbuluar një kasafortë. Mediat e Kosovës, bëjnë të ditur se kasaforta ende nuk është hapur, pasi pritet që të zhvillohen disa proçedura, përfshirë marrjen e disa urdhëresave dhe ftesën e Njësisë kundër Eksplozivëve. Gjatë kontrolleve po ashtu është gjetur një granatë dore dhe disa fishekë. Ajo ishte e kamufluar në disa ambinete të shtëpisë
Visar Cengu u ekzekutua me armë zjarri nga Dibran Hoxha i njohur si “Kobra” në orët e para të mëngjesit të 3 janarit. Shkak për këtë konflikt që degjeneroi në përdorimin e armëve dyshohet të jetë bërë një faturë prej 400 eurosh që viktima ka refuzuar ta paguajë. Menjëherë pas ngjarjes “Kobra” ka fshirë kamerat e sigurisë në lokal dhe ka fshehur armën duke mos i lënë asgjë në dorë policisë për momentin. Ndërkohë familjarët e viktimës kërkojnë drejtësi pasi në të kundërt shprehen ata do e marrin vetë drejtësinë në dorë duke paralajmëruar kështu hakmarrje.
