VLORË– Të tjera detaje kanë dalë në dritë në lidhje me vrasjen e ndërtuesit Armando Meshau nga Rei Meta në Vlorë. Në dëshminë e dhënë para hetuesve ai ka deklaruar se nuk donte ta vriste 55-vjeçarin dhe se i ka kërkuar sqarime për ky i fundit nuk ka pranuar duke e ofenduar. Pas një debati verbal Meshau është ngritur nga karrigia ku ishte ulur në një Internet Caffe dhe e ka goditur me grusht Metën. Ky i fundit i është përgjigjur me grushte. Për një rrëzim i Meshaut ka rezultuar fatal. Përplasja e kokës me orenditë e qendrës së internetit i ka shkaktuar vdekjen. Në dëshminë e tij Meta tregon se pasi e ka goditur Meshaun është larguar nga vendi i ngjarjes ndërsa pasi ka mësuar se ndërtuesi ka ndërruar jetë është vetëdorëzuar në Policinë e Vlorës.
Pjesë nga dosja: Rei Meta i ka folur duke i thënë “Hajde ulu, pimë një kafe”, ndërkohë që ai eshte EKRE përgjigjur me fjalët “ika se kam punë dhe ka vazhduar rrugën duke u futur tek interneti ngjitur me lokalin ku ishte ulur shtetasi Rei Meta. Pas disa sekondash edhe ReiMeta ka shkuar tek interneti. Brenda tek interneti ai ka parë Armandon. i cili ishte ulur tek njëri nga kompjuterët anësorë të internetit, konkretisht nga ana e fasadës dhe deres hyrëse. Është afruar dhe i ka thënë “hajde pimë një kafe dhe flasim për kontratën që kemi, dhe ai i është përgjigjur me fjalët “Nuk kemi fare çfarë flasim bashkë, ndërkohë që shtetasi Rei Meta i është drejtuar përsëri me fjalët se “kemi kontratën që kam për të marrë një pronë, por Armando i është përgjigjur më fjalët “ik shiko hallin se nuk më bën dot asnjë gjë”. Rei Meta i ka folur sërisht me fjalët “hajde të ulemi dhe të flasim që të mos merremi me gjyqe, hajde flasim, ndërkohë që pas këtij debati me njëri-tjetrin, shtetasi Rei Meta ka deklaruar se në një moment Armandoja është çuar dhe e ka qëlluar me grusht. Në këtë kushte ai sqaron se i është kundërpërgjigjur instiktivisht dhe e ka qëlluar edhe ai me grushta dhe më pas është larguar nga vendi i ngjarjes. Pasi është larguar ai ka mësuar më pas se Armando kishte ndërruar jetë dhe në këto kushte është paraqitur vetë në Drejtorinë Vendore të Policisë Vlorë.
