SHKODËR– Detaje të reja janë zbardhur në lidhje me ekzekutimin e Gjokë dhe Eduart Gurrës, babë e bir tre ditë më parë në Dukagjin. Raportohet se ngjarja e rëndë mund të ketë lidhje me një konflikt të një viti më parë ku Gjokë Gurra është zënë me grushte me disa persona përsona për shkak të konkurrencës në tregtimin e lëndëve drusore që babë e bir kishin vite që merreshin.
Kjo pistë po hetohet nga Policia pas dëshmisë së dhënë nga familjarët e viktmave dhe disa bashkëfshatarë në zonë. Në atë kohë sherri kaloi pa zhurmë dhe dukej sikur ishte harruar deri në pasditën e 29 qërshorit ku babë e bir u gjenden nën breshërinë e kallashnikovëve dhe humbën jetën në vend teksa po shkonin për të parë shtëpinë e djegur në fshatin Bruçaj të njësisë Pult në Dukagjin, që me sa duket ishte karremi për ti çuar në vendin ku do vriteshin. Ende nuk kemi asnjë të shoqëruar nga Policia në lidhje me ngjarjen.
Si ndodhi ngjarja
Babë e bir u zunë në pritë pasditën e 29 qershorit në fshatin Bruçaj të njësisë Pult në Dukagjin. Ata ishin nisur për të shkuar në shtëpinë e vjetër, e cila ishte përfshirë nga flakët një natë ,më parë. Dyshohet se ky të ketë qenë dhe “karremi” që atentatorët kanë përdorur për ti dërguar babë e bir në vendin ku dhe do të ekzekutoheshin me breshëri kallashnikovi. Të dy ndërruan jetë në vend. Ndërkohë sipas informacioneve ata janë qëlluar brenda në makinën e tyre tip foristradë. Terreni i vështirë u ka dhënë mundësi autorëve që të largohen dhe të humbin gjurmët. Policia ka mbërritur këtë të prmete në vendin e ngjarjes ku dhe ka gjetur 8 gëzhoja. Hetimet vahzdojnë. Ende nuk ka asnjë autorë të dyshuar.
