SHKODËR– Detaje të reja kanë dalë në dritë nga vrasja e biznesmenit Ardian Nikulaj në Shëngjin. Raportohet se në atutomjetin tip “Land Rover Defender”, në të cilin hipi personi që vrau biznesmenin ndodheshin tre persona. Detajet janë zbuluar nga kamerat e sigurisë që dhe kanë kapur mjetin në fshatin Kukel. Po ashtu grupi hetimor i ngritur për hetimin e ngjarjes ka dyshime se dhe motori i përdorur nga autori në ngjarje të jetë futur në këtë mjet. Policia është shpresëplotë që hetuesit ta kenë më të lehtë verifikimin e mjetit për shkak se ai është mjaft i rrallë.
Ardian Nikulaj rezulton që të jetë pronar i disa bizneseve në zonën e Lezhës dhe i resortit “Coral” në bregdetin e Shëngjinit, vend ku dhe u vra. Nikulaj rezulton ta ketë ndërruar mbiemrin pasi në të shkuarën pasi më oparë ka mbajtur mbiemrin Marku. Më parë ka qënë edhe Ish-kreu i Aluznit e në të shkuarën ka qënë i dënuar për disa vepra penale. Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit. Po ashtu ai ka qenë i angazhuar dhe në arenën politike në nivel qarku. Në zgjedhjet e shkuara ai ka qenë kandidat në listën e kandidatëve për deputetë në Partinë Socialdemokrate të drejtuar nga Tom Doshi. Nikulaj ishte i martuar dhe baba i katër fëmijëve.
