LEZHË– Detaje të reja janë zbardhur nga atentati i ndodhur pak minuta më parë në shëngjin ku i vrarë mbeti 51-vjeçari Ardian Nikulaj, babai i katër fëmijëve. Policia bën me dije se ka ngritut pika kontrolli në gjithë zonën me qëllim kapjen e autorëve të cilët dyshohet të kenë qenë dy. Nikulaj u vra në biznesin e tij afër pedonales së Shëngjinit rreth orës 13:30. Autori i ekzekutimit të biznesmenit Ardian Nikulaj dyshohet se ka lëvizur me një automjet tip Range Rover me targa angleze ngjyrë të zezë. Por një pistë tjetër është që autori të kenë lëvizur me motor dhe se kanë pasur veshur jelekë policie. Pas ekzekutimit të biznesmenit janë larguar menjëherë nga vendi i ngjrjes.
NJOFTIMI I POLICISË:
Rreth orës 13:30, në rrethana ende të paqarta, është vrarë me armë zjarri, në ambientet e lokalit të tij, shtetasi A. N. 50 vjeç, banues në Shëngjin.
Shërbimet e Policisë dhe grupi hetimor kanë shkuar menjëherë në vendngjarje. Janë ngritur pika kontrolli dhe është rrethuar zona ku vijojnë kontrollet për kapjen e autorit/ve. Grupi hetimor, në drejtimin e Prokurorisë, vijon punën për zbardhjen dhe dokumentin e plotë të ngjarjes.
