PRIZREN– Detaje të reja kanë dalë në dritë nga ngjarja e rëndë e ndodhur disa ditë më parë në Prizaren ku i vrarë mbeti 31-vjeçari nga Kukësi Visar Cengu. Bëhet me dije se një tjetër person identiteti i të cilit nuk është bërë i ditur është arrestuar nga Policia si i dyshuar për vrasjen e Cengut në “Kobra City”. Lajmin e ka bërë me dije Policia e Kosovës por nuk ka dhënë detaje të tjera në lidhje me arrestimin.
“Rr. Tahir Sinani, Prizren 03.01.2023 – 04:00. Lidhur me rastin, është arrestuar edhe një i dyshuar mashkull kosovar. Me vendim të prokurorit i dyshuari është dërguar në paraburgim”, thuhet në njoftimin e policisë.
Visar Cengu u ekzekutua me armë zjarri nga Dibran Hoxha i njohur si “Kobra” në orët e para të mëngjesit të 3 janarit. Shkak për këtë konflikt që degjeneroi në përdorimin e armëve dyshohet të jetë bërë një faturë prej 400 eurosh që viktima ka refuzuar ta paguajë. Menjëherë pas ngjarjes “Kobra” ka fshirë kamerat e sigurisë në lokal dhe ka fshehur armën duke mos i lënë asgjë në dorë policisë për momentin. Ndërkohë familjarët e viktimës kërkojnë drejtësi pasi në të kundërt shprehen ata do e marrin vetë drejtësinë në dorë duke paralajmëruar kështu hakmarrje.
