TIRANË– Detaje të reja kanë dalë në dritë në lidhje me vrasjen e biznesmenit Edmond Papa pak ditë më parë në zonën e Selitës në kryeqytet. Në dëshminë e dhënë para hetuesve pronari i lokalit ku ndodhi ngjarja i oidentifikuar me inicialet V.Sh ka treguar se ai ka qenë në banakun e lokalit në momentin që ndodhi ngjarja dhe kur ka dëgjuar të shtënat nuk ka reaguar në moment pasi ka menduar se janë fishekzjarre. Ai ka treguar se në lokal nuk ka kamarierë pasi e mban vetë ai. Kur ka parë autorin duke hyrë në lokal për të cilin thotë se e kishte një kapuç në kokë dhe asgjë tjetër nuk i ka dhënë rëndësi pasi ka menduar se është klient.
Më pas thotë ai para hetuesve kur ka dalë nga banuku dhe ka shkuar në pjesën ku qëndronte Papa e ka parë atë të gjakosur e të shtrirë në tokë. Sipas tij ka qenë vetë viktima ai që i ka thënë që të lajmërojë policinë. Në atë moment thotë ai në numrin e policisë 129 i ka dalë dy herë sekretaria telefonike. Në këtë moment ai ka nxituar që të lajmërojë familjarët e Papës. Kur ka shkuar në shtëpinë e vëllait të viktimës tek porta i ka dalë e kunata, të cilës i ka rrëfyer ngjarjen dhe të dy bashkë kanë dalë dhe kanë ikur në lokal. Ai thotë se ajo ka folur me dikë në telefon por nuk e di se më ke. Pastaj shprehet ai i ka vendosur xhupin në kokë dhe me një peshqirë është munduar që ti ndalë hemoragjinë. Kur ambulanca është vonuar kunata ka tentuar ta dërgojë vetë në spital por në atë momet ka ardhur policia dhe pas saj ambulanca që kanë bërë dhe transportimin e trupit. Fatkeqësisht Edmond Papa nuk i mbijetoi dot plagëve të marra. Dëshmia e pronarit të lokalit është tranmetuar në emisionin “Në Shenjestër”.
Pronari i lokalit: Më datë 16 Dhjetor 2022 si zakonisht kam shkuar në punë rreth orës 14.00 dhe në lokal ka patur klientë të zakonshëm të cilët vinin aty. Unë kam qenë brenda në lokal dhe po punoja në banak. Në lokal punoj vetëm unë, pasi nuk ka kamerierë. Fillimisht kam dëgjuar zhurmë si shashka dhe kam menduar se po hedhin fishekzjarre. Nga pjesa e banakut ku unë isha, nuk dukej mirë se çfarë po ndodhte. Gjatë kohës që isha në banak, unë pashë një person me kapuç në kokë, dhe asgjë tjetër. Më pas dola nga banaku për tek dera dhe në hyrje të lokalit pashë viktimën që më ka kërkuar të thërras urgjencën, pasi më tha se ishte plagosur. Pasi konstatova ngjarjen, u mundova t’i telefonoja numrit 129 por më doli sekretaria. Ishte ora 16.25. I rashë dy herë këtij numri, por kur pashë që nuk po më përgjigjeshin, më pas shkova tek banesa e viktimës. Aty pasi i kam rënë ziles së derës i kam thënë kunatës së tij që është plagosur vëllai i burrit të saj. Pasi u ktheva në lokal e gjeta të shtrirë viktimën, i cili kërkonte ndihmë. Në këtë moment hoqa xhupin dhe ia vendosa te koka. Më pas mora një peshqir për t’i bllokuar plagët. Në këtë kohë kunata e tij ishte me telefon në dorë, por nuk e di kë ka telefonuar. Më pas ajo mori makinën për ta transportuar vetë pasi ambulanca po vonohej. Në këtë moment erdhi policia dhe pas saj edhe ambulanca që e transportoi për në spital.
Edmond Papa u ekzekutua të premten e 16 dhjetorit në një lokal në zonën e Selitës në Tiranë. Atentatori e kishte ruajtur dhe kontrolluar çdo lëvizje të viktimës gjatë ditës dhe ka pritur momentin e duhur për ta vrarë. 41-vjeçari kishte ardhur në Tiranë pasi do të vizitonte nënën në një spital. Kur ai është ulur në lokalin që ndodhet vetëm 50 metra larg shtëpisë së të vëllait autori ka hyrë brenda dhe ka qëlluar nëntë herë në drejtim të tij. Papa rezulton një person me precedentë penal pasi është dënuar në Greqi për trafik droge dhe po ashtu në Britani rezulton i skeduar po për këtë akuzë. Ai ishte pronar i disa bizneseve në Sarandë një ndër to hotel “Blu Sky”.
