TIRANË– Prokuroria e Tiranës ka kërkua masën e sigurisë me burg në mungesë për Adrew Bode, të akuzuar për ekzekutimin e biznesmenit Edmond Papa në zonën e Selitës vitin e kaluar. Togat e zeza pritet të vlerësojnë kërkesën e organit të akuzës dhe të vendosin nëse do të përcaktojnë të njëjtën masë apo jo.
Dzke iu referuar sistemit TIMS Bode nuk rezulton të ketë kaluar kufirin dhe pse policia dyshon se ai për tu larguar nga vendi mund të ketë përdorur rrugët ilegale për të mos u gjurmuar nga policia. Në dosjen e Prokurorisë thuhet se Bode është i dyshuari kryesor si ekzekutor i Papës, e provuar sipas saj nga pamjet filmike dhe qelizat telefonike që e kanë konstatuar prezencën e tij pranë vendit të ngjarjes në kohën kur është kryer vrasja.
Deri më tani dyshohet se vrasja e biznesmenit Edmond Papa të ketë ardhur si pasojë e prishjes së pazareve të drogës ndërkohë po hetohet dhe pista e hakmarrjes pasi dy autorët rezultojnë të jenë miq të ngushtë të Aleksandër Sadikajt të riut që u ekzekutua rreth 6 muaj më parë në rrethrrotullimin e TEG-ut me një bombë të telekomanduar që shpërtheu kur ai drejtonte makinën në autostradë. Po ashtu dyshohet se Papa dhe Sadikaj janë takuar tre ditë para se ky i fundit të vritej.
