ELBASAN– Arben Paplekaj, i cili akuzohet për vrasjen e Pjerin Xhuvanit ka mbërritur pak minuta më parë në ambientet e Gjykatës së Elbasanit ku pritet të nisë seanca në ngarkim të tij. Këtë të martë pritet që të merren të pyetje të gjithë dëshmitarë e lidhur me ngjarjen e rëndë të vrasjes së Xhuvanit vetëm 4 ditë para zgjedhjeve parlamentare të vitit 2021. Gjykata pak ditë më parë rrëzoi kërkesen e Prokurorisë për thirrjen e deputetit demokrat Gazment Bardhi në seancë. Prokuroria kërkoi thirrjen e tij në cilësinë e personit që ka qenë në vendin e ngjarjes.
