ELBASAN– Lidhur me vrasjen e Pjerin Xhuvanit në Elbasan, Prokuroria ka zbardhur detaje të reja. Në seancën e kësaj të marte, organi i akuzës ka kërkuar para togave të zeza masën e sigurisë “arrest shtëpie” për 6 efektivë të policisë, të cilët janë Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu.
“Policët kishin dijeni për makinën me elementë të armatosur, kishin gjithashtu dijeni që Arbër Paplekaj ishte i armatosur.” u shpreh avokatja e Xhuvanit, Rezarta Tahiraj
Më tej kjo e fundit shtoi se efektivët kanë pasur në dijeni për ekzistencën e 3 furgonave së strukturës së mbrotjes së votës së PD-së
“Sot prokuroria kërkoi kthimin e masës arrest në shtëpi, për 6 policët e Shqiponjës. Rezulton se kanë pasur në dijeni për ekzistencën e 3 furgonave së strukturës së mbrotjes së botës së PD-së. Dhe për faktin që i pandehuri Arbër Paplekaj ka qenë i armatosur me armë,”- shtoi Tahiraj
Më 21 prill 2021, 4 ditë para zgjedhjeve parlamentare të 25 prillit, në Elbasan u vra Pjerin Xhuvani, përkrahës i Partisë Socialiste. Paplekaj ishte pjesë e një “SMV”, strukture për Mbrojtjen e Votës e ngritur në Elbasan nga PD. Pas një sherri verbal pasi SMV dyshonte se Xhuvani ishte pjesë e një grupi që blinin vota, ndodhi vrasja ku mbeti i pajetë Xhuvani dhe u plagosën 4 persona të tjerë.
