TIRANË-Prokuroiria e Posaçme Kundër Korrupsionit dhe Krimit të Organizuar (SPAK) ka kërkuar 32 vjet burgim në total për 2 të pandehurit për vrasjen e ish-policit Santiago Malko, Ilir Selmani dhe Elvis Gaçaj. Mësohet se SPAK ka kërkuar 25 vjet burg për Selmanin, i cili akuzohet nga SPAK për vrasje me paramendim dhe mbajtje pa leje e armëve dhe 7 vjet për Elvis Gaçajn, ndaj të cilit rëndojnë akuzat e armëmbajtjes pa leje në disa raste dhe largim nga vendi i qëndrimit.
Për vrasjen e ish-policit Santiago Malko në rrugën “Xhamfize Keko” është dënuar me 25 vite burg Blendi Teta, i cili akuzohet si një person që kishte mbajtur në vëzhgim lëvizjet e Malkos duke njoftuar edhe autorët për të kryer ekzekutimin. Teta ka bërë rekurs vendimit te Gjykatës së Apelit, duke kundërshtuar vendimin e dhënë nga Apeli i SPAK.
