TIRANË– Gjykata e Tiranës ka lënë në burg këtë të premte në burg 18-vjeçarin Ensi Maze, i akuzuar si bashkëpunëtor i Axel Hoxhës në vrasjen e Stivens Toshkesit. Jashtë gjykatës avokati i të riut u shpreh se Ensi nuk ka bërë asnjë veprime ndaj viktimës. Më tej avvokati ka treguar dhe telefonatën që ky i fundit ka pasur me të atin pas krimit ku i ka treguar që ndodhet tek “Arena”.
Avokati: Ensi nuk ka bërë asgjë. Siç shihet edhe në pamje ai largohet. Maze u përpoq që të shuante konfliktin, ai nuk ka parë asnjë lloj hanxhari, nuk është konfliktuar. Axeli nuk e ka informuar. Nuk ka pasur asnjë lloj dijenie. Familjarët e tij janë të lehtësuar, pasi ai nuk ka bërë asnjë veprim të dhunshëm ndaj pasagjerit. E keni vu re që Maze nuk ka bërë asnjë veprim të dhunshëm. E keni parë, pasagjeri i ka gjuajtur me grushta. Pse nuk u dorezua? Ai ka komunikuar me të atin dhe i ka thënë se jam në stadiumin Arena. Vajza thotë se nuk ka pasur asnjë konflikt me Ensi Mazen.
Stivens Tosheksi u masakrua me thikë nga Axel Hoxha në rrugën ‘4 Dëshmorët’ në kryeqytet, pranë gjimnazit “Partizani” në Tiranë. Ngjarje e rëndë ndodhi pak pas mesantës. Shkak për konfliktin dyshohet të jetë bërë një vajzë pasi Hoxhaj kishte ngacmuar të dashurën e Toshkesit. Ky i fundit dy javë para ngjarjes e kishte rrahur Axel Hoxhës në “Rrugën e Elbasanit”. Këtij të fundit nuk i ka dalë inati duke i zënë pritë 21-vjeçarit bashkë me shokun e tij. Toshkesi nuk i mbijetoi dot plagëve të marra duke ndërruar jetë në duart e bluzave të bardha. Hoxhaj u dorëzua ditën e djeshme në polici pas arratisjes disa ditore.
