TIRANË– Detaje të reja kanë dalë në dritë nga masakrimi me thikë i të riut Stivens Toshkezit në Tiranë disa ditë më parë. Këtë të martë është shpallur në kërkim Arbër Murataj, djali i Admir Muratajt, i cili mbeti i vrarë disa vite më parë në përplasje me policinë pas grabitjes së bujshme të 4.6 milionë eurove në aeroportin e Rinasit. Ai u shpall në kërkim me urdhër të Prokurorisë, e cila pas marrjes në pyetje të të dashurës së Toshkezit, e cila është dhe motivi i përplasjeve të vazhdueshme mes të rinjve ka dalë në përfundimin se në përplasje ka qenë i përfshirë dhe Murataj.
Por në momentin që policia ka shkuar në banesë nuk e ka gjetur atry të riun. Pas kontrollit në banesë blutë e Tiranës ka në arrestuar kushëririn e Muratajt, i cili u kap me një sasi lënde narkotike, të llojit kanabis. Mësohet se në përplasjen e ndodhur rreth katër muaj më parë në Rrugën e Elbasanit përveç Axel Hoixhës dhe Toshkezit ka qenë dhe Arbër Murataj.
E pyetur nga hetuesit vajza ka treguar se në rrjetet sociale ishte Arbër Murataj, djali i Admir Muratjt ai që e ngacmonte vazhdimisht. Madje e reja ka rrëfyer se dy javë para se ai të masakrohej me thikë pranë banesës nga Axel Hoxha, është plagosur me thikë nga Arbër Murataj. Tensionet me stë rinjve kanë qenë të vazhdueshme.
