TIRANË– Të tjera detaje janë zbardhur nga vrasja e 21-vjeçarit Stivens Toshkezi. Kështu gazetarja Anila Hoxha ka treguar në emisionin e mëngjesit në Top Channel se e dashura e Toshkezit që dyshohet të jetë dhe “molla e sherrit” mes të rinjve ka treguar se i riu dhe Arbër Murataj janë konfliktuar dhe më parë me njëri-tjetrin për shkak të ngacmimeve që Murataj i bënte asaj në rrjetet sociale. Madje vajza shprehet se i ka parë dhe vetë shenjat e thikës në trupin e Toshkezit. Dyshohet se Arbër Murataj e ka therur me hanxhar disa muaj Stivens Toshkezin tek Shkolla e Baletit.
Anila Hoxha: Jo vetëm që ka patur një sulm, por e dashura e Stivit, është pyetur nga policia e Tiranës dhe nga prokurori i çështjes edhe ajo ka dhënë detaje shumë interesante dhe e kanë ndihmuar hetimin. Ajo pranon dhe thotë që ata në një rast të caktuar njëri nga të kërkuarit me të cilin ishte konflikti, pra ishte shtresëzuar konflikti dhe ishte aty, priste konflikti derisa të shpërthente. Ishte kërcënuar me thikë dhe ajo thotë që më tregoi Stivi që u sulmua me thikë prej Arbër Muratit dhe madje thotë që unë pashë shenjat e thikës kur ishte sulmuar në trupin e tij. Por ai kishte zgjedhur që të mos shkonte pranë autoriteteve.
Stivens Tosheksi u masakrua me thikë nga Axel Hoxha në rrugën ‘4 Dëshmorët’ në kryeqytet, pranë gjimnazit “Partizani” në Tiranë. Ngjarje e rëndë ndodhi pak pas mesantës. Shkak për konfliktin dyshohet të jetë bërë një vajzë pasi Hoxhaj kishte ngacmuar të dashurën e Toshkesit. Ky i ffundi dy javë para ngjarjes e kishte rrahur Axel Hoxhës në “Rrugën e Elbasanit”. Këtij të fundit nuk i ka dalë inati duke i zënë pritë 21-vjeçarit bashkë me shokun e tij. Toshkesi nuk i mbijetoi dot plagëve të marra duke ndërruar jetë në duart e bluzave të bardha. Hoxhaj u dorëzua dy ditë më parë në polici pas arratisjes disa ditore.
