Një ngjarje e rëndë ndodhi ditën e djeshme në Lipjan, ku kryefamiljari vrau gruan dhe birin e tij, më pas qëlloi dhe vetën. Ditën e sotme policia ka dhënë më shumë detaje lidhur me këtë tragjedi.
“Raportohet se i dyshuari mashkull kosovar ka vrarë bashkëshorten dhe djalin e tij e më pas ka kryer vetëvrasje. Njësitë relevante policore dhe prokurori i shtetit kanë dalë në vendin e ngjarjes. Në vendin e ngjarjes janë gjetur dhe sekuestruar një revole e cila dyshohet se janë përdorur në rast dhe 4 gëzhoja. Gjatë kontrollit në një dhomë të shtëpisë është gjetur dhe sekuestruar edhe një revole tjetër me dy fishekë. Me urdhër të prokurorit trupat e pajetë janë tërhequr nga zyrtarët e IML-së”,– ka informuar Policia.
