KAVAJË– Dëshmia e Habib Rexhës, autorit të vrasjes së Arjan Gosës në Kavajë ka zbardhur detaje të reja në lidhje me ngjarjen. Para oficerëve të Policisë Rexha ka deklaruar se nuk e ka kryer vrasjen për gjakmarrje por sipas tij me tu kthyer nga Italia Arjani e kishte kërcënuar se do ti vriste familjen. Për këtë thotë ai i ka bërë paraprirë një ngjarjeje që mund të prekte familjen e tij. Kjo e fundit shton Rexha nuk ka pasur asnjë dijeni për veprimet e tij.
Habib Rexha: Unë jam autori i vrasjes së Arjan Gosës. Vrasjen nuk e kam kryer për gjakmarrje, por për arsye se Arjani kur ishte kthyer nga Italia është shprehur se do ta na shuante si familje. Kësaj, unë i bëra parapritë. Sa të na vriste ai neve, pashë të udhës ta vrisja unë i pari. Vëllezërit e mi dhe babai nuk kishin fare dijeni. E dija qe Arjani pinte kafe te lokali pranë shtepisë së tij. Shkova e qëllova dhe më pas u largova në drejtim të Durrësit. Pistoletën e hodha në afërsi të pistës Iliria në Durrës tek ca gurë.
Ngjarja e ndodhur tre ditë më parë vjen si pasojë e një ngjarje të rëndë të regjistruar pak muaj më parë në Kavajë ku të vrarë mbetën vëllai i viktimës Arjan Gosa dhe i autorit Habib Rexha. Altin Rexha dhe Edmond Gosa vranë njëri-tjetrin me thikë dhe armë më 29 mars 2023 pas një konflikti banal që kishte nisur për shkak të origjinës. Kur kishin lënë për tu sqaruar debati mes tyre agravoi dhe njëri qëlloi me thikë dhe tjetri iu kundërpërgj me armë duke gjetur të dy vdekjen. Ngjarja e rëndë ndodhi para syve të fëmijës së mitur të Altin Rexhës, që dyshohet që të jetë dhe shkaku se pse familja ka kërkuar hakmarrje duke vrarë dy ditë më parë Arjan Gosen teksa ky i fundiut ishte në tavolinë me babanë e moshuar.
