KAVAJË– I ulur pranë babait të tij, Habib Rexha me anë të një videomesazhi ka bërë me dije dhe vetëdorëzimin e tij në polici, dy ditë pasi ekzekutoi me plumb në ballë Arjan Gosen në Kavajë. Siç mund të shihet dhe në pamje ai shprehet se po dorëzohet me dëshirën e tij pas kërkesave të vzhdueshme që i janë bërë nga familja që saga e tij e arratisjes të marrë fund.
Habib Rexha: Unë jam Habib Rexha, ky është Fadil Rexha, babai im. Me dëshirën time do vetëdorëzohem në Komisariatin e Kavajës dhe me kërkesën e familjes time.
Familja Rexha ka kërkuar mbrojtje nga Policia pas krimit që kreu djali I shtëpisë dy ditë më parë në qendër të Kavajës për të marrë hakun e vëllait të tij. Nuk dihet ende nëse Policia e Kavajës ka marrë masa për familjen të cilët tashmë i druhen një hakmarrjeje nga ana e fisit Gosa.
Ngjarja e ndodhur dy ditë më parë vjen si pasojë e një ngjarje të rëndë të regjistruar pak muaj më parë në Kavajë ku të vrarë mbetën vëllai i viktimës Arjan Gosa dhe i autorit Habib Rexha. Altin Rexha dhe Edmond Gosa vranë njëri-tjetrin me thikë dhe armë më 29 mars 2023 pas një konflikti banal që kishte nisur për shkak të origjinës. Kur kishin lënë për tu sqaruar debati mes tyre agravoi dhe njëri qëlloi me thikë dhe tjetri iu kundërpërgj me armë duke gjetur të dy vdekjen. Ngjarja e rëndë ndodhi para syve të fëmijës së mitur të Altin Rexhës, që dyshohet që të jetë dhe shkaku se pse familja ka kërkuar hakmarrje duke vrarë dy ditë më parë Arjan Gosen teksa ky i fundiut ishte në tavolinë me babanë e moshuar.
