ITALI– Gjykata e Asamblesë së Rovigos në Itali ka dënuar me 14 vite e 6 muaj burg Nadire Kurti, 69-vjeçaren që vrau bashkëshortin Shefik Kurti, 72 vjeç e më pasi i copëtoi trupin. Pas coiëtimit ajo e kishte vendosur në disa thasë plehrash dhe hedhur në kanalin Adigetto. Para prokurorëve të çështjes ajo ka rrëfyer se për të vrarë dhe copëtuar trupin e bashkëshortit të saj kishte përdorur thika.
Sipas dëshmisë së saj ajo ka deklaruar se ai e dhunonte dhe ajo nuk ka mundur të durojë më torturat duke kryer dhe aktin e rëndë. Krimin e pranoi 18 gusht. Trupi i copëtaur i Shefki Kurtit doli në sipërfaqe të ujit dhe u nxorr prej andej ku dhe nisen verifikimet për autorin e ngjarjes. Sipas prokurorëve Nadirja kishte kohë që vuante nga problemet psikologjike dhe ndiqej nga një psikiatër.
Ajo ka deklaruatr se burri i saj e tradhëtonte me një grua shqiptare dhe se kjo e fundit i kishte kërkuar 60 mijë euro. Po ashtu hetimet zbuluan se Nadire Kurti kishte qëndruar për disa kohë e shtruar në psikiatri pasi kishte shfaqur probleme të theksuara të personalitetit që sipas eksperteve tregohet dhe në mënyrën brutale të vrasjes.
