MALIQ– Detaje të reja janë zbardhur në lidhje me krimin e rëndë të ndodhur në Maliq një natë më parë ku Gjergj Mullalli vrau me armë zjarri bashkëshorten e tij Luiza Mullalli dhe më pas e hodhi trupin e saj në kanalin e ujërave të zeza. Ndërsa sot u vetëvra pasi u rrethua nga Policia dhe nuk kishte asnjë mundësi shpëtimi pas disa orëve arrati. Raportohet se para se të kryente aktin e rëndë të vrasjes së gruas ai kishte shkruar një letër ku paralajmëronte ngjarjen madje dhe vetëvrasjen e tij. Letra është gjetur në banesën e tij nga familjarët.
Ngjarja e rëndë tronditi fshatin Zëmblak të Maliqit një natë më parë. Gjergji Mullali, i cili sipas dëshmive të banorëve të zonës ishte njeri me probleme dhe i dhunshëm pas një debati me bashkëshorten e tij me të ciliën ishte në proces divorci e ekzekutoi këtë të fundit me armë zjarri dhe më pas ia hodhi trupin në kanalin e ujërave të zeza. Pas ngjarjes u largua nga vendi i ngjarjes. E ndjera Luiza Mullalli ishte e pajisur dhe me urdhër mbrojtjeje nga Gjykata por ashtu si dhe në raste të tjera, urdhri nuk e mbrojti dot.
