GRAMSH– Xhevit Sinani, autori i vrasjes së dyfishtë në Gramsh ka folur para hetuesve ku dhe ka treguar detaje tronditëse në lidhje me krimin e kryer ku vrau me sëpatë gruan dhe të vëllanë. Para hetueseve të policisë ka treguar se në fillim e ka torturuar gruan e tij Zegjine Sinani, e ka mbytur dhe më pas e ka goditur me sëpatë disa herë duke i dhënë goditjen finale fundit të saj të dhimbshëm. Ai është shprehur se gruaja ka viuajtir shumë. Ndërsa për të vëllanë Shaqir Sinanin është shprehur se nuk ka vuajtur shumë pasi ka vdekur pas goditjes.
“Gruan e torturova dhe e mbyta. Vuajti shumë, e godita dhe me sëpatë. Vëllai nuk vuajti”, tha ai para uniformave blu.
Por ka disa versione të ndryshme të thëna prej tij para policisë. Dëshmitë kontradiktore të tij lidhen me problemet që ai ka me shëndetin mendor.
Ngjarja e rëndë u regjistrua në fshatin Tervol. Në fillim i moshuari ka vrarë gruan e tij Zegjine Sinani, e cila ndodhej në banesë dhe më pas ka dalë jashtë dhe ka shkuar në shtëpinë e të vëllait, e cila ndodhej afër shtëpisë së tij. I vëllai Shaqir Sinani ka qenë në vreshtën e rrushit kur është sulmuar në kokë duke gjetur kështu vdekjen e menjëhershme. Pas ngjarjes ai është larguar dhe ka shkuar në shtëpinë e krushqve që ndodhej afër dhe ka marrë në telefon fëmijët ku i ka vënë në dijeni të krimit të kryer. Në telefonatën që ka zgjatur vetëm pak sekonda aio u ka thënë atyre se ka vrarë mamanë dhe xhaxhanë dhe më pas e ka mbyllur. Aty kanë shkuar efektivët e policisë që dhe e kanë vënë në pranga. Ai dhe Zegjineja kishin 7 fëmijë nga martesa e tyre, 5 djem dhe 2 vazja të cilët janë tronditur nga lajmi. I vëllai Shaqiri ishte pjesë e grupit folklorik të Gramshit ku i binte fyellit.
