DURRËS– Gjykata e Durrësit ka lënë në burg Habib Rexhën, autorin e vrasjes së Arjan Gosës pak ditë më parë në Kavajë. Vrasja është cilësuar si vrasje me dashje për gjakmarrje. Ndërkohë togat e zeza kanë liruar nga burgu shokun e tij Ervis Kurti, i cili dhe e ndihmoi që të largohet nga vendi i ngjarjes pas ekzekutimit me plumb në ballë të Arjan Gosës, teksa ky i fundit ishte duke pirë kafe në lokal bashkë me babain e moshuar.
Para trupës gjykuese Rexha ka thënë se e ka e kryer vrasjen për ti paraprirë një tragjedie në familje pasi sipas tij vikitma kishte hapur fjalë se do e vriste atë dhe familjen e tij pas vrasjes së dyfishtë të regjistruar pak muaj më parë ku vëllai i autorit dhe i viktimës pas një debati për motive banale që kishte nisur prej disa kohësh vranë njëri-tjertrin me thikë e armë.
Ngjarja e ndodhur disa ditë më parë vjen si pasojë e një ngjarje të rëndë të regjistruar pak muaj më parë në Kavajë ku të vrarë mbetën vëllai i viktimës Arjan Gosa dhe i autorit Habib Rexha. Altin Rexha dhe Edmond Gosa vranë njëri-tjetrin me thikë dhe armë më 29 mars 2023 pas një konflikti banal që kishte nisur për shkak të origjinës. Kur kishin lënë për tu sqaruar debati mes tyre agravoi dhe njëri qëlloi me thikë dhe tjetri iu kundërpërgj me armë duke gjetur të dy vdekjen. Ngjarja e rëndë ndodhi para syve të fëmijës së mitur të Altin Rexhës, që dyshohet që të jetë dhe shkaku se pse familja ka kërkuar hakmarrje duke vrarë dy ditë më parë Arjan Gosen teksa ky i fundiut ishte në tavolinë me babanë e moshuar.
