GREQI: Dy muaj qira të papaguara mjaftuan që 4 pjesëtarë të një familjeje shqiptare të egzekutoheshin me thikë nga pronari grek. Pikërisht kjo ngjarje ka ndodhur Marsin e kaluar e ndërsa sot Gjykata e Patrës në Greqi ka dënuar me 4 burgime të përjetshme 61-vjeçarin i cili ishte autor i ngjarjes. Ndaj tij është caktuar dënimi i përjetshëm duke e shumëzuar për 4 vrasjet e bëra së bashku që tronditën Patrën në Greqi, ku u vranë djemtë e mitur 1 dhe 2 vjeç si dhe prindërit e tyre.
Dënimi maksimal dhe tepër i rreptë për grekun 61 vjeçar përmban dhe 21 muaj për armëmbajtje pa leje dhe 900 euro gjobë.
