Vrau motrën me thikë, Marsela Pushani njihet sot me masën e sigurisë

Të shtunën e kaluar në Tiranë ndodhi një ngjarje që tronditi opinionin publik ku Marsela Pushani qëlloi me thikë të motrën duke i shkaktuar asaj vdekjen. Ditën e sotme ajo do të njihet me masën e sigurisë. Në fillim ishin familjarët ato që e raportuan vdekjen e Amanda Pushanit si vdekje natyrale, por pas kryerjes së autopsisë së trupit u konfirmua se ajo ishte vrarë më thikë dhe se autori i vrasjes ishte e motra. Në dëshminë e saj Marsela e ka pranuar krimin, ndërsa ka thënë se nuk ka dashur ta vriste, por e kishte goditur në kushtet e vetëmbrojtës. Dy motrat dhe nëna e tyre jetonin së bashku në një pallat në Rrugën e Kavajës dhe sipas familjarëve, Amanda ishte një person problematik e konsumuese e pijeve alkoolike. Nëna e viktimës është marrë në pyetje një ditë më parë dhe u shpreh se 37 vjeçarja i dhunonte.