TIRANË-Sokol Mjacaj, i cili vrau dy turistë cekë gjatë tentativës për ti grabitur e ka humbur betejën e tij në Gjykatën Kushtetuese duke qëndruar tashmë përjetësisht pas hekurave. Kushtetuesja ishte vënë në lëvizje pas refuzimit që Gjykata e Parë dhe ajo e Apelit nuk e kishin pranuar gjykimin e shkurtuar të Mjacajt, që që ishte cilësuar si në kundërshtim me të drejtat e njeriut nga mbrojtja.
Nëse Gjykata Kushtetuese do e kishte pranuar këtë ankimin atëherë i riu do të shpëtonte nga burgimi i përjetshëm i dhënë ndaj tij nga Apeli i Shkodrës. Por Kushtetuesja vendosi të mos e shqyrtonte çështjen ne seancë plenare, duke shuar shpresat e Mjacaj, për të shpëtuar nga burgimi i pëjetshëm. Gjykata arsyetoi se vendimet e shkallëve më të ulëta janë të drejta dhe kërkesa për gjukim të shkurtuar i është rrëzuar me arhumentin se cështja nuk mund të zgjidhej me aktet që ndodheshin në dosje, por ishte e nevojshme të shqyrtoheshin provat gjatë një procesi të zakonshëm.
Ngjarja e rëndë ndodhi mbrëmjen e 4 korrikut në vitin 2015. Ne tentativë për ti grabitur Mjacaj vrau dy turistët çekë Michael Svatos, 27 vjeç dhe Ana Kosinova, 36 vjeçe, në zonën e Thethit të cilët kishin ardhur për të shijuar bukuritë e zonës pa e ditur se do gjenin vdekjen. Ai u ngjit në makinën e dy turistëve cekë dhe iu kërkoi atyre ti jepnin paratë dhe ti dorëzonin makinën, por kur hasi në rezistencë nxori armën dhe i ekzekutoi.
