GRAMSH– Të tjera detaje kanë dalë në dritë nga krimi i rëndë brenda familjes në Gramsh. Raportohet se autori Xhavit Sinani pasi ka vrarë me armën e gjahut gruan e tij të identifikuar me inicialet Xh.S dhe vëllanë Shaqir Sinanin ka telefonuar fëmijët dhe i ka vënë në dijeni për krimin e rëndë që ka kryer.
Në telefonatë ai u ka thënë fëmijëve se ka vrarë mamanë dhe xhaxhanë më pas e ka mbyllur. Pas ngjarjes së rëndë ai është arratisur. Policia ka rrethuar zonën dhe po bën krehjen e saj. Ngjarja e rëndë është regjistruar pasditen e sotme në fshatin Tervol.
