GRAMSH– Familja Sinani në Gramsh ka hapur dyert e mortit pas ngjarjes tragjike ku Xhevit Sinani vrau me sëpatë gruan Zenigje Sinani dhe vëllain Shaqirin. Një fqinji i viktimave ka folur në një prononcim për Top Channel ku është shprehur se nuk ishte në dijeni të ketë pasur ndonjë konflikt mes vëllezërve dhe se autori ka qenë i shëndetshëm mendërisht. Ndërsa për fëmijët e viktimave tha se ndodhen jasjtë Shqipërisë dhe se do vijnë ditën e nesërme.
Pjesë nga prononcimi:
Pyetje: Sipas deklaratave të policisë Xhevit Sinani është gjendur në gjendje të rënduar psikologjike. Si e njihnit Xhevitin, familjen?
I njihnim si njerëz që shihnin punën e vet nuk ishte problematik, kjo që ndodhi ishte shokuese për të gjithë. S’kishte as probleme e konflikte mes njëri tjetrit, jemi tepër të tronditur.
Pyetje: A kanë pasur konflikte të mëparshme, zakonisht krime të tilla ndodhin për shkak të shkaqeve të pronës, motive të tjera të dobëta?
Nuk ka pasur asnjë debat mes tyre, se unë e kam dhe komshi Shqirin, s’ka pasur asgjë se si ndodhi as vetë nuk e di.
Pyetje: A kanë ardhur fëmijët?
Gocat i ka këtu ndërsa fëmijët vijnë nesër në mëngjes, tre çunat i ka në Greqi.
Pyetje: A kishte shfaqur Xheviti probleme të një rëndese psikologjike?
Këto kohë nuk kishte probleme të tilla.
