SERBI– Presidenti serb Aleksandër Vuçiç tha sot se kryeministri i Kosovës, Albin Kurti është vazhdimësi e ideologjisë së Enver Hoxhës, Xhafer Devës dhe Lidhjes së Prizrenit. Deva ishte ministër i Punëve të Brendshme të Shqipërisë gjatë administratës naziste. Vuçiç hoqi një paralele mes Kurtit dhe Hoxhës pasi sipas tij kështu po shkon dhe dialogu mes tyre. Lideri serb tha se të ulësh me Kurtin është njësoj si të jesh duke dialoguar me Enver Hoxhën. Vuçiç shkoi edhe më tej duke thënë se Albin Kurti dëshiron të jetë si Zelenskyy dhe se ai e urren kryeministrin Edi Rama pasi sipas tij Kurti është një horr nazist.
Aleksandër Vuçiç: Të gjitha planet dhe programet e tyre bazohen në Lidhjen e parë të Prizrenit nga viti 1889, Lidhjen e dytë të Prizrenit nga viti 1943, kur u themelua lëvizja Bali Kombëtar, pastaj Lidhja e tretë e Prizrenit që u themelua në Nju Jork dhe që na shkaktoi. Është ideologjia e tyre dhe Xhafer Devës, një burrë nga Mitrovica e Kosovës, një oficer Abwehr, i cili ishte i pari që iu bashkua forcave pushtuese naziste. Sot Albin Kurti po i rinovon një shtëpi në pjesën jugore të Mitrovicës, është çështje e lidhjes me një kriminel nazist të dënuar me vendim të formës së prerë, e tashmja dhe e ardhmja. Nazizmi. Horri që persekutoi jo vetëm serbët, por edhe hebrenjtë dhe të gjithë të tjerët. I madhi Xhafer Deva. Kurti ëndërron të jetë Enver Hoxha, prandaj nuk e duron dot Edi Ramën. Vetëm nëse mund të jetë një përzierje e Enver Hoxhës dhe nëse mundet pak Zelensky. Prandaj marrëzitë që ‘Vuçiç është Putini i vogël’ dhe siç mund ta shihni ai përsëri gënjeu. Dhe ne nuk jemi të interesuar për të gjitha këto, ne jemi të interesuar vetëm që ai ta lërë popullin serb vetëm. Ai vetëm mund t’i ëndërrojë të gjitha ato ëndrra boshe.
