Para se të nisej për në Bruksel, presidenti serb Aleksandar Vuçiç i tha RTS se Beogradi e ka “derën të hapur” kur bëhet fjala për Bashkimin Evropian.
Megjithatë ai u shpreh para takimeve që do mbahen sot në Bruksel se në kryeqytetin belg “asnjëherë nuk ka takime të lehta”.
I pyetur lidhur me pranimin e propozimit të ri për Asociacionin nga Prishtina, Vuçiç tha se parimisht edhe Serbia është dakord, por detajet e marrëveshjes do të duhet të rishqyrtohen në mënyrë që të ketë dakordësi.
