HUNGARI– Presidenti i Serbisë Aleksandër Vuçiç ka zhvilluar këtë të dielë një vizitë zyrtare në Hungari ku u prit nga kryeministri hungarez Viktor Orban. Në një prononcim për mediat pas takimit “kokë më kokë” me Orban Vuçiç vlerësoi se Hungaria e kupton në mënyrë të përsosur situatën në Kosovë. Vuçiç u ndal dhe tek situata në Malin e Zi.
Aleksandër Vuçiç: Ne do të kemi një mirëkuptim më të mirë dhe më të madh se 20, 25 vjet më parë dhe ai trend i mirëkuptimit të ndërsjellë do të vazhdojë, sepse ne sillemi si miq të ndershëm dhe të ngushtë. Nuk na shkon mendja të kërcënojmë Malin e Zi, po flasin budallallëqe, ne vetëm po pyesim se cili është qëndrimi i serbëve, i urojmë gjithë të mirat, por mos na ndaloni të pyesim se çfarë po ndodh me 30 për qind Serbët në atë vend.
