TIRANË– ËshtË mbajtur këtë të premte në Gjykatën e Apelit të Juridiksionit të Përgjithshëm procedura e rindarjes me short elektronik të çështjeve gjyqësore. Një nga çështjet për të cilat është hedhur shorti sot ishte dhe ajo për vulën e Partisë Demokratike. “Fati” i Partisë Demokratike do të jetë në dorën e gjyqtares Elona Mihali e cila do të jetë relatorja e çështjes, ndërsa trupa gjykuese do të përbëhet nga Astrit Kalaja dhe Ireida Kacerja.
Ivi Kaso, përfaqësuesi ligjor i PD-së i drejtuar nga kryedemokrati Sali Berisha ishte prezent në procesin e hedhjes së shortit, për të mësuar se kush do të jetë trupa gjykuese për këtë çështje.
