TIRANË– Ka përfunduar seanca gjyqësore për “vulën” e Partisë Demoikratike. Mësohet se trupa gjykuese është tërhequr në dhomë për të marrë vendimin që do tu komunikohet palëve.
Grupi i Enkelejd Alibeajt përfaqësohet në seancë nga avokati Indrit Sefa dhe Rezart Kthupi, ndërsa përfaqësues nga kryetarit të PD-së Sali Berisha, është Ivi Kaso, i cili shoqërohet nga Oerd Bylykbashi dhe Ledina Mandia.
Para togave të zeza, Oerd Bylykbashi pretendon se argumentet e Alibeajt nuk qëndrojnë sepse nuk ka tagrin për të qenë ankimues në këtë proces, ndaj dhe kërkesa e tij konsiderohet si ‘nul’, ligjërisht. Ndërsa e ka mbyllur me kërkesën për të lënë në fuqi vendimin e marrë në shkallën e parë.
