TIRANË– Kryeministri Edi Rama ka deklaruar pas mbledhjes së Kryesisë se Partia Socialiste do i fitojë bindshëm zgjedhjet vendore të 14 majit. Gjatë prononcimit të tij për mediat nuk munguan as ironitë me Partinë Demokratike për të cilën tha se është e dobët, pa vulë e pa logo.
Edi Rama: Mendoj që do të fitojmë shumë bindshëm por për hir të së vërtetës dua të jem i drejtpërdrejt. Fitorja me kundërshtarë të tillë, në aspektin aritmetik është minimumi. Duhet të shkojmë përtej, se të hysh në fushë me kundërshtarë të padenjë për të qenë në fushë nuk është e vështirë të fitosh. Kjo do të thotë më shumë për njerëzit sepse këto lloj situatash të shkëputin nga njerëzit. Fitorja nuk është e lehtë por nuk është kaq e vështirë sa kur merresh me pagat, pensionet, investimet. Kjo është sfida ku duhet të përqëndrohemi. Vula, vula o zot.
