TIRANË– Ministrja e Jashtme Olta Xhaçka, e cila po zhvillon një konferencë për mediat bashkë me ministren e Shtetit dhe kryenegociatoren me Bashkimin Europian, Majlinda Dhukën renditi disa nga ngjarjet më të rëndësishme të vitit 2022 të politikës së jashtme si marrjen e mandatit në Këshillin e Sigurimit të Kombeve të Bashkuara, samitin mes BE-së dhe Ballkanit Perëndimor të mbajtur në Tiranë dhe hapjen e negociatave.
Olta Xhaçka: Në mes të këtij viti kishim një tjetër ngjarje të jashtëzakonshme që ishte kurorëzimi i një punë të madhe si hapja e negociatave një ngjarje që duhet të kishte ndodhur më herët por e rëndësishme që për e sot rruga është e hapur. Po punojmë në këtë fazë për të plotësuar e piketave hapëse që do të na mundësojnë mbajtjen e konferencës së dytë ndërqeveritare. Për të arritur këtë progres, krahas realizimit të piketave hapëse, Ministria e Jashtme do të forcojë dialogun me vendet anëtare dhe Komisionin Evropian. Bashkëpunimi do të jetë i ngushtë me presidencën suedeze të BE-së dhe asaj spanjolle në gjysmën e dytë të vitit që ka nisur.
Xhaçka iu përgjigj interesit të gazetarëve në lidhje me akuzat e bërë nga opozita se bashkëshorti i saj është shpallur me vendim qeverie si investitor strategjik duke pasur kështu një konflikt interesi përderisa ajo qëndron në karrrigen e ministres. Shefja e diplomacisë së Jashtme tha se ato janë shpifje dhe sipas saj fjalën e fundit e thotë gjykata.
Olta Xhaçka: Nuk më rëndon shpatullat aq sa ç’mund ta imagjinoni të qenin ministre dhe investitore strategjike. Është kthyer në filozofi punë nga opozita e cila shpif shpif se diçka do të mbetet. Shpifje dhe hiperbole politike që vjen nga kjo opozitë që ka humbur rrugën e saj. Megjithatë ky është një proces që për fat të mirë ka hyrë në binar ligjor dhe fjalën e fundit e ka gjykata. Do ju thosha të prisni me durim ashtu siç po pres edhe unë pasi nuk kam shkelur asnjë ligj dhe nuk kam kaluar asnjë normë etike dhe morale.
Ndërkohë Kryenegociatorja me BE-në Majlinda Dhuka u shpreh se mbajtja e samitit të BE-Ballkani Perëndimor forcoi mbështetjen për integrimin gradual të rajonit në BE bazuar mbi merita.
Majlinda Dhuka: Ne vitin 2022 mbështetja unanime e vendeve anëtare dhe institucioneve të BE-së duke dhënë dritën jeshile për nisjen e negociatave shënoi një moment histori mbi vendin, Shqipëri ai çeli negociatat mbi bazën e meritës. Çoi para axhendën e reformave të rëndësishme të vendit. Progresi i dukshëm i Shqipërisë u konfirmuan dhe në raportin e KE-së për Shqipërinë. Struktura institucionale janë forcuar dhe Shqipëria ka bërë qartas progres, sipas raportit të KE-së. Në 2022 u mbajt në Tiranë për herë të parë samiti i BE- Ballkani Perëndimor, i cili riafirmoi rëndësinë e partneritetit strategjik midis BE-së dhe Ballkanit Perëndimor si një rajon me perspektive të qartë Europiane. Mbështeti anëtarësimin e Shqipërisë në BE. Riafirmoi se BE mbetet partneri më i afërt i yni. Samiti forcoi mbështetjen për integrimin gradual të rajonit bazuar mbi merita. U zhvillua dhe u thellua dialogu në të gjitha nivelet.’
