Çmimet e produkteve me ofertë të Conad në Shqipëri, rezultojnë më të larta se çmimet e produkteve të njëjta, por pa ofertë në Itali.
Xhadat krahasoj disa prej tyre ku pa se:
Produkte të njëjta si vaj Monini që në Itali përpara ofertave shitej 750 lekë, në Shqipëri shitet 1290 lekë. Diferenca e këtyre çmimeve është 540 lekë.
Gjithashtu edhe vaj gështenje që në Conad Itali kushton 495 lekë , në Conad Shqipëri ka çmimin 759 lekë, pra 264 lekë më shumë.
Kërkesës së Xhadave në lidhje me këtë fakt, administrata e Conad në Shqipëri nuk ju përgjigj.
Në dallim nga vendet e tjera Shqipëria paguan 20% TVSH në çdo produkt, përfshi dhe ushqimet.
Po sa ndikon kjo masë TVSH-je tek çmimet e larta të ushqimeve ?
“TVSH-ja në rastin e ushqimeve ndikon drejtpërdrejtë, pasi në Itali TVSH-ja për bukën, qumështin apo produkte të tjera është 5% në Shqipëri është 20%. Sigurisht vetëm nga ky diferencim në taksa ke minimalisht një kosto shtesë prej 15%”-shpjegoi gazetari i ekonomisë Klodian Tomorri. /MCN
