Për nënkryetaren e Partisë së Lirisë, Erisa Xhixho buxheti i vitit 2025 nuk ka prioritet qytetarët, por vetëm klientët e qeverisë dhe vjedhjet e tyre korruptive.
Sipas saj, paratë nuk shkojnë për të përmirësuar jetën e qytetarëve taksapagues, por 777 miliardë lekë do të shkojnë për projektet korruptive PPP të një grushti njerëzish pranë Edi Ramës.
Eksportet kanë rënë më 15%. Kjo rënie nuk kompenson përfitimet e “fryra”’ nga turizmi dhe as mbulon krizën që po kalon ekonomia e vendit si rezultat i politikave të papërgjegjshme të qeverisë kundrejt sipërmarrjes dhe përmirësimit të klimës së biznesit.
Ekonomia shqiptare mbetet ekonomia më pak konkurruese në rajon. Eksportet shqiptare të mallrave janë në nivelin më të ulët krahasuar me vendet e rajonit
Në terma tremujorë në fund të vitit 2023, shkalla e papunësisë është rritur në 10.7% nga 10.5% në fund të tremujorit paraardhës të vitit 2023Çmimet e mallrave të konsumit janë në rritje të vazhdueshme. Në tetor, inflacioni shënoi vlerën më të lartë prej 2.7% të çmimeve të artikujve ushqimorë
Krahasuar me vendet e rajonit, Shqipëria ka nivelin më të lartë të varfërisë dhe përjashtimit social
Masa e pensionit mesatar të pleqërisë urbane dhe rurale aktualisht në Shqipëri është 170 Euro, ndërsa në Kosovë është 340 Euro, në Malin e Zi është450 Euro, dhe në Maqedoninë e Veriut është 325 Euro, dhe në Serbi është 390 Euro.
Shqipëria ka performancën më të ulët të mbledhjes së të ardhurave publike krahasuar me vendet e rajonit
Paratë nuk shkojnë për të përmirësuar jetën e qytetarëve taksapagues, por 777 miliardë lekë do të shkojnë për projektet korruptive PPP të një grushti njerëzish pranë Edi Ramës.
Ky nuk është buxheti i qytetarëve, por buxheti i oligarkëve!
