TIRANË-Ambasadorja në ikje e Shteteve të Bashkuara ë Amerikës në Tiranë Yuri Kim ka zhvilluar një natë më parë një takim me përfaqësues të lartë të politikës dhe jo vetëm në kuadër të festimeve të 247-vjetorit të Pavarësisë së SHBA-ve. Në takim ishte i pranbishëm Kreu i Shtetit Bajram Begaj, deputetë, ministra e krerë partish. Gjatë fjalës së saj Kim i bëri thirrje popullit shqiptar, që ashtu si ai amerikan të mos dorëzohen kurrë në kërkesën për një të ardhme më të drejtë, më të fortë dhe më të begatë për të gjithë.
Ambasadorkja Yuri Kim: Do të doja të përqendrohesha këtë mbrëmje tek zgjedhja, e cila për nga nevoja ka të bëjë me të ardhmen. Mund të debatojmë për të kaluarën, por nuk mund ta ndryshojmë atë. Ne mundet veçse të zgjedhim se çfarë do të ndodhë më tej. Nga të gjitha veprimtaritë në të cilat kam qenë pjesë apo kam parë nga të gjithë njerëzit në të 61 bashkitë që kam vizituar, anekënd këtij vendi të bukur të cilët i kam takuar gjatë tre viteve e gjysmë të fundit, për mua është e qartë se populli i Shqipërisë e ka bërë zgjedhjen e tij: të jetë i lirë dhe demokratik, të jetë ndër ato kombe që do të mbrojë lirinë dhe demokracinë e të tjerëve, për t’u siguruar që Shqipëria të mos fshihet kurrë nga kjo botë. Kështu, ju jeni si ne.
Ndërsa Presidenti Bajram Begaj kujtoi kontributin e jashtëzakonshëm të SHBA-së për pavarësinë e Kosovës.
Bajram Begaj: Më lejoni të nënvizoj se ne e njohim rolin vendimtar që Shtetet e Bashkuara kanë për paqen në Ballkan e veçanërisht për Kosovën e lirë, të pavarur e të njohur botërisht. Ne e vlerësojmë, dhe nuk harrojmë. Në këtë kuptim ne i jemi pranë Shteteve të Bashkuara si partneri ynë strategjik, por dhe me vullnetin e përkushtimin për prosperitetin e të dy popujve tanë.
