TIRANË– Ambasadorja Yuri Kim është ndalur në një deklaratë për mediat pas daljes nga salla ku Këshilli i Lartë i Prokurorisë po zhvillonte seancën dëgjimore me tre kandidatët në garë. Ajo sqaroi dhe arsyen e vizitës së saj teksa shtoi se nuk ka asnjë mesazh të feshehtë pas kësaj vizite. Dioplomatja u shpreh se ky është një moment i rëndësishëm për vijëmësinë e punë së SPAK dhe pikërisht për këtë kishte ardhur.
Yuri Kim: Ka shumë teori konspirative. Dua të shpjegoj përse kam ardhur. Ky është një moment i rëndësishëm për reformën në drejtësi dhe për SPAK. Erdha për të thënë që është një moment i rëndësishëm. Nuk ka asnjë mesazh të fshehur, SHBA-të kanë qenë të drejtpërdrejta me shtetin shqiptar. Ju e dini se unë nuk jam një person që i bëj gjërat e fshehta.Është bërë shumë përparim, shumë njerëz meritojnë meritë për këtë duke filluar nga qeveria e vendit. Merita i shkon edhe opozitës dhe kritikëve që e mbajnë qeverinë të ndershme, sepse kjo është puna e tyre. Merita i shkon medias dhe qytetarëve që ndjekin procesin. Puna e SHBA në këtë proces është t’ju mbështesë. Ju duhet ta doni reformën në drejtësi, ju duhet ta doni ndryshimin më shumë se ne.
