TIRANË– Ambasadorja e Shteteve të Bashkuara të Amerikës Yuri Kim po mban në ambientet e Ambasadës fjalimin e saj të “lamtumirës” para largimit nga Shqipëria. Në përfundim të mandatit të saj Kim shprehet se vendi ynë e ka ndryshuar si dhe jep një mesazh të fortë kur thotë se Reforma në Drejtësi po ecën në rrugën e duhur dhe s’duhet të ndalet.
Yuri Kim: Vitin e kaluar festuam 100-vjetorin e marrëdhënieve mes 2 vendeve. 24 mijë shqiptarë morën viza. Shqiptarët tregojnë se i vlerësojnë rregullat e vizave kamë besim se do të vijë dita kur nuk do të kërkohet fare vizë. Jam krenare për përparimin që kemi bërë së bashku. Kemi bërë hapa të mëdhenj për të vënë në vijë marrëdhëniet tona; ecni para, mos u dorëzoni kurrë. Nuk duhet të dorëzohemi kurrë sepse populli shqiptar nuk meriton më pak. Dua t’ju shpreh diçka personale; përvoja ime këtu më ka ndryshuar. Do e lë Shqipërinë me respektin për historinë e traditat tuaja, do largohem me mirënjohje dhe solidaritet më të fortë për padurimin tuaj për një të ardhme më të mirë për fëmijët tuaj. Reforma në drejtësi, çrrënjosja e korrupsionit nuk është thjeshtë çështje morale, por një mjet që Shqipëria të jetë një aleat i fortë për SHBA. Gjatë këtyre 3 viteve kam patur ndrin të përfaqësoj presidentin në Shqipëri. Si një ambasadore e re e etur për të theksuar lidhjen e veçante mes Shqipërisë dhe SHBA, plotësova misionin e tim. Gjatë këtij misioni jam mirënjohëse që e njoha këtë vend, vizitova 61 bashkitë e tij dhe si çdo ambasador të jap kontributin tim në demokraci, mbrojtje dhe biznes. Shqipëria ka bërë përparime të mëdha, sidomos në drejtësi që i dha mundësinë të hapte zyrtarisht negociatat për BE.
