KORÇË– Myrteza Çaushi, i njohur “i forti i Çoles” ka kërkuar sërish lirimin nga burgu. Gjykata e Korçës është caktuar si kompetente për marrjen në shqyrtim të çështjes së Zani Çaushit. Çaushi ka depozituar më datë 29 Shtator 2020 në Gjykatë një kërkesë ku kërkon përllogaritjen e saktë të viteve të burgut që ka bërë.
Ai kërkon që përllogaritja të nisë që nga momenti i arrestimit deri në këtë periudhë kur ai vuan dënimin e përjetshëm në burgun e Drenovës në Korçë. Çaushi pretendon se ka kryer në total 31 vite burg, dhe jo 25 siç i llogariten. Zani Çaushi njihet si kreu i një prej bandave më famëkeqe të Vlorës dhe është dënuar me burgim të përjetshëm. Çaushi vuan dënimin në siguri të lartë në IEVP, Drenovë.
