Një zarf me një substancë të panjohur dhe të dyshimtë u dërgua në ambasadën franceze në Moskë. Lajmi u konfirmua nga agjencia ruse e lajmeve TASS, duke cituar agjencitë e zbatimit të ligjit.
“Punonjësit e ambasadës franceze kanë marrë një letër me një substancë të panjohur të hënën pasdite. Anëtarët e agjencive të zbatimit të ligjit janë në vendngjarje dhe kanë nisur hetimet dhe verifikimet”, tha agjencia.
Ministria e Punëve të Jashtme të Francës nuk ka bërë ende asnjë koment për këtë çështje.
