TIRANË– Zbardhen debatet në mbledhjen e Kryesisë së Partisë Demokratike që mbështet Enkelejd Alibeajn dhe që ka dhe “vulën” zyrtare të dhënë nga Gjykata e Apelit. Mësohet se në debat janë përfshirë deputetët Saimir Korreshi dhe Flutura Açka. Kjo e fundit u është drejtuar deputetëve që braktisën mbledhjen me fjalën “palaço”.
Flutrura Açka: Ja u çuan dhe ikën këta palaçot.
Saimir Korreshi: Po si flet kështu, si nuk të vjen turp ty moj?.
Mbledhja e Kryesisë së Partisë Demokratike zyrtare është zhvilluar me debate të forta dhe tensione të shumta. Për më shumë se 10 orë anëtarët e Kryesisë kanë diskutuar për mënyrën e daljes nga kriza ku PD u fut pas vendimit të ish-kryedmokratit Lulzim Basha për përjashtimin e Sali Berishës nga grupi parlamentar e më pas në Kuvendin e 18 dhjetorit dhe nga partia. Në fund është vendosur që zgjedhjet për kryetarin e partisë të mbahen më 29 korrik. Por mbështetësit e Lulzim Basha të cilët kanë qëndruar gjatë gjithë kohës brenda ambienteve të selisë së re të marrë pranë Kryesisë së Kuvendit shpeshherë kanë hapur derën ku zhvillohej mbledhja dhe kanë shantazhuar deputetët ndërsa kur këta të fundit kanë dalë jashtë i kanë ofenduar dhe kërcënuar. Pas mbl;edhjes Jorida Tabaku dha dorëheqjen nga posti I nënkryetares ndërsa dy deputetët Oriela Nebiaj dhe Flamur Hoxha dhanë dorëheqjen si anëtarë të Kryesisë.
