TIRANË– Të tjera detaje kanë dalë në dritë mga arrestimi i pesë personave, të cilët akuzohen për atentatin ndaj prokurorit Arjan Ndoja. Mësohet se në 11 shtëpitë e kontrolluara nga Struktura e Posaçme Kundër Korrupsionit dhe Krimit të Organizuar janë gjetur 50 kontrata shit-blerjeje pronash e dokumente të ndryshme me rëndësi.
Po ashtu bëhet me dije se pas kontrollove në banese dhe në ambiente btë ndryshme janë gjetur dhe sekuestruar gjithashtu 1 armë gjahu, 1 jelek antiplumb, 2 jelekë shpëtimi, dylbi me rreze të largët, 5 automjete, 4 milionë lekë e 6 aparate celulare. Banesat që u kontrolluan janë në Tiranë, Durrës dhe Fushë Krujë.
Në prangat e Policisë kanë rënë: Akil alias Gentian Nërjaku, Bashkim Haxhia, Marsel Decka, Endrit Sinani dhe Juljan Pjetri. Ndërsa në këtrkim janë shpallur: Ramazan Rraja, Plarent Dervishaj dhe Julian Meçaj.
